සංගීතය - උපදේශාත්මක ගී

විෂය                -  සංගීතය

පරිවේණාචාර්ය -  රංග ගුණවර්ධන

පාඩම               -  උපෙද්ශාත්මක ගී

දිනය                -  2020-04-18

වේළාව             -  ප.ව. 12.00 - ප.ව 2.00




සුභ දහවලක් මගෙ දරුවො හැමෝටම.

දෙවන වාරයට නියමිත පළමු  වන පාඩම යටතේ ඉගෙනුම් ඉගැන්වීම් ක්‍රියාවලියේ අපි දැන් නිරත වෙමු. එහෙනම් ව්‍යවහාරික සංගීත කොටසේ මෙම  පාඩම සටහන් කරගන්න.

උපදේශාත්මක ගී

උපදේශාත්මක ගී යනු කිසියම් රටක සමාජයක ජීවත් වන පුරවැසියන් යහමගට යොමු කිරීමේ අරමුණින් නිර්මාණය වූ ගී විශේෂයක් ලෙස හැදින්විය හැක.

යහපත් ජන සමාජයක් ගොඩනැංවීමේ අරමුණින් ලාංකේය ගීත සාහිත්‍ය තුළ විවිධ තේමාවන් මත නිර්මාණය වූ "උපදේශාත්මක ගී"පවතී.

 එනම්,

   1.මව් ගුණ ගී
   2. පිය ගුණ ගී
   3. ගුරු මව් පිය ගුණ ගී
   4. පරිසරය සුරැකීම
   5. කළගුණ සැලකීම හා වැඩිහියන්ට ගරු කිරීම
   6. උතුම් සාරධර්ම හා ගුණධර්ම පිළිබඳ රචනා වූ ගී

ආදී වශයෙන් දැක්විය හැක.

එම උපදේශාත්මක ගීත වල තේමාවන්හි පද මාලාවට උචිත අයුරින් විවිධ තනු නිර්මාණයගෙන් විචිත්‍රවත් වී ඇත. තේමාවෙන් මතු වන අදහස උද්ධීපනය වන අයුරින් ගීතයට උචිත නාද මාලාවන් ඉතා රසවත් ලෙස නිර්මාණය වී ඇත.

එම් ගීත හරවත් වූ අර්ථවත් වූ පද මාලාවන්ගෙන් හා වටිනා ආදර්ශයන්ගෙන් ද සමන්විත වේ. ලාංකීය ගීත සාහිත්‍යය තුළ ප්‍රචලිත උපදේශාත්මක ගීත කීපයක් මෙසේය.

* දැඩි කල මාතා...
* දණ ගාද්දි ඇවිදින්නට මට අත දුන්න...
* නොමග නොයන් පුතේ..
* පුංචි පුතේ පුංචි දුවේ ඉපදුණු සිරි ලක් දිවේ...
* අහන්න මගෙ හොඳ පුංචි පුතේ ...
* පාන් කිරිත්තා තක්කිට තරිකිට
* නැති බැරි මොහොතක පිහිටට ඉන්නේ...
* හොඳ හොඳ ළමයින් අපි වාගේ...
* හිතන්නකෝ අයියේ
* මල්ලියෙ නරක මිතුරන...
* කරුණාව සමග හොඳ හිත
* පියුමෙහි පැණි බොති වන බඹරෝ...
* රත්තරන් කෙන්ඩියේ සිංහ තෙල් වගේ...
* කිරි දුන්නේ දරුවන්ටයි සිරුරෙන් ඈගේ...
* පින් සිදුවන්නේ අනේ බාල ළමුන්නේ

මිනිසුන් තුළ උදාරතර මනුෂ්‍ය ගුණ ධර්මයන් පෝෂණය කිරීමෙහිලා උපදේශාත්මක ගී තුළින් ඉටුවන මෙහෙය අති මහත් ය.

ඉහත සදහන් කර ඇති සටහන හොදින් කියවා අධ්‍යයන කරන්න.

පැවරුම 1

ඔබ කැමති උපදේශාත්මක ගීත 5ක් සම්පූර්ණයෙන්ම ලියා ඉන් ලබා දෙන උපදේශය පිලිබඳ කෙටි හැදින්වීමක් කරන්න.

ඒවා මාගේ වට්සප් ගිණුම වෙත එවන්න. 0718721756

එහෙනම් පුතේ ඊළඟ දවසේදී අපි උපදේශාත්මක ගී ගායනය හා රසාස්වාදනය කරමු .
සියලුම දෙනාට තෙරුවන් සරණයි!!!

ආයුබෝවන් !!!

සිංහල - තිලමුට්ඨී ජාතකය

විෂයය - සිංහල
පාඩම - තිලමුට්ඨි ජාතකය - 9 පාඩම
ගුරු භවතා - ඩබ්.ඩබ් සරත් මහතා
පන්තිය පැවැත්වූ දිනය - 2020/04/18
වේලාව - ප.ව. - 6 සිට 7. දක්වා

=======================

සුබ සන්ධ්‍යාවක් පුතාල හැමෝටම.මම දැන් සිංහල පාඩම පටන් ගන්න හදන්නෙ.ඔයාල සූදානම් අැති කියල මම හිතනව.
භාෂාවක් සතු මිනිස් සිත සනසන පැතිකඩ වන්නේ සාහිත්‍යයයි.
එම සාහිත්‍යයේ
* වන කතා හෙවත් සතුන් පිළිබඳ කතා
*ගැමිකතා හෙවත් ගම කතා (ළමයින් සහ වැඩිහිටියන්ගේ සිත් සනසන කොටසකි)
*බණකතා.මෙය වැඩිහිටියන්ගේ සිත් සතන් සනසාලන අාගම හා බැඳුණු අපූර්ව සාහිත්‍ය නිර්මාණයකි.
බණකතා සාහිත්‍යයේ අග්‍රගන්‍ය කෘතිය වන්නේ
"පන්සියපනස් ජාතක පොත් වහන්සේ" යි.
මෙම කෘතිය ගැන පුතාල අහල අැති.අපට බණ අහන කොටත් මෙහි අැති කතා පුවත් ගැන අහන්න ලැබිල තියෙනව නේද?මේ කෘතිය ගැන විශේෂයෙන් පහත කරුණු ගැන පුතාල මතක තබාගන්න ඕන.එ් තමයි
*මෙම කෘතිය රචනා වී අැත්තේ කුරුණෑගල සාහිත්‍ය යුගයේ දී ය.
*මෙකල රජකළ පාලකයා වන්නේ iv වන පැරකුම් රජු ය.
* මෙම කෘතිය කතුවරුන් රැසකගේ අතින් ලියැවී අැතැයි සැලකෙන නිසා බහු කතෘ කෘතියක් ලෙස සැලකේ.(මෙම කතුවරුන් යතිවරයන් වහන්සේලා යැයි ද සැලකේ).
*මෙහි ප්‍රධානත්වය ගෙන අැත්තේ  දෙමළ භික්ෂුවක් ලෙස ද සැලකේ.
*මෙම කෘතිය රචනා කරන ලෙස අැරයුම් කර අැත්තේ දේව පතිරාජ නම් උගත් අැමති වරයෙකි.
* මෙහි අැතුළත් කතා ගණන 500ක් ලෙස දැක් වුව ද, එහි නියම වශයෙන් අැතුළත් කතා ගණන 547 ක් බව පිළිගැනේ.
මේ කරුණු ටික පුතාලට මතකයේ තියාගන්න අමාරුනම් අභ්‍යාස පොතේ ලියාගන්න.
පන්සිය පනස් ජාතක පොතෙහි එන එක් කතාවක් ලෙස "තිලමුට්ඨි ජාතකය"හඳුන්වන්න පුළුවන්. එ් අාශ්‍රිතව තමයි ඔයාලගෙ පෙළ පොතේ 9 වැනි පාඩම සැකසිලා තියෙන්නෙ.

Audio 1 

මෙහි අර්ථය සැලකීමේ දී
තිල යනු තල වේ.(ධාන්‍යයකි.)
මුට්ඨි යනු මිට යන්නයි.
එ් අනුව තල මිටක් පිළිබඳ කියැවෙන කතාවකි මෙය.


මම දැන් මේ පාඩමට අදාළ අමාරු වචන(දුරවබෝධ පද) ටික පුතාලට පෙන්වන්නම්.පුතාල එ් වචන ටික බලා  වචන වල තේරුම් සැලකිල්ලට ගනිමින් පෙළ පොතේ 9වැනි පාඩම කිහිපවිටක්  හොඳින් කියවන්න. වචන ටික පහතින් තියෙනව.

1.සමයේ කාලයේ,
වකවානුවේ
2 ගුණාකාරය - ගුණකිරීම(මෙය ගණිතමය දැනුම හා බැඳේ.
3.මස්ස - මසුරන් එකකි
4.පිළි - රෙදි හෝ අැඳුම්
5.සඟළක් - දෙකක්
6.පත්කුඩය - පත්‍රවලින් කරන ලද කුඩය
7.වහන් - පාවහන්
8. තක්සලාව - ඉපැරණි ඉන්දීයාවේ රාජකීය අනුග්‍රහය ලද අධ්‍යාපන ආයතනයකි.
9.සක්මන් කරනවා - එහා මෙහා ශාන්ත ගමනින් අැවිදීම.
10.නකත්(නැකත) -සුබ වෙලාව
11.මෑලි - මහලු
12.බඩසය - බඩගින්න/ සුදාගින්න.
13. නියායෙන් - අාකාරයෙන්
14.අතවැස්සන් - තම යටතේ ඉන්න වුන්(ශිෂ්‍යයින්)
15.මොරගැසීම - කෑ ගැසීම
16 අන්‍යාවක් - වැරැද්දක් (නීතියට පිටුපා යාමක්)
17.වික්ෂේප -  සිතේ නොසන්සුන්කම(තිගැස්ම)
18.ඉනිබ්බේ - මින් මතු/ මීට පසු
19. පාටව - දඬුවම්
20.පත්ත - පතුර
21.උරණව - කේන්තියෙන්
22.වෛරය - පළිගැනීමේ චේතනාවක් අැති කර ගැනීම
23. නිපුණ - දක්ෂ බව
24.අඹුව - බිරිඳ
25.පුරෝහිත - රජුට අනුශාසනා කරන්නා

මේ වචන වල තේරුම් සැලකිල්ලට ගනිමින් පුතාල පාඩම කියවන්න.අනිත් දවසෙ මම ඉතිරි කරුණු ටික කියල දෙන්නම්.දැනට මොනව හරි ගැටළු තියෙනව නම් අහන්න.
නිදුක් නිරෝගී සුබ රාත්‍රියක් වේවා..!!